|
| 已經有接近一年時間無打xanga. 其實呢一年同以往幾年差唔多. 無乜太大, 特別既改變. 不過都可以講一下呢一年搞過d乜野:  感情方面:
同茵茵既感情無太大改變. 可能唯一有既就係更加愛佢, 想為佢做更多, 亦慢慢開始計劃將來既事情.希望可以做得到啦. 不過係度要讚下佢就係, 佢比以前進步左好多. 我諗近半年來都無乜發過我乜野大脾氣...反而我有時心情不佳既時候就無乜點理佢. 我想講句"對唔住".  工作方面:
自上年九月開始就入左一間叫"德寶"既雜貨公司做. 佢主要做化妝品, 玩具, 袋呢d產品. 而我呢就係入面做QA 同 產品開發. 開始既頭幾個月, 其實都幾開心, 一來自己又學到野, 二來又識到一班OK玩得既同事, 每日返工都有講有笑又無乜野辦公室政治咁.但自今年年初開始, 公司既同事一個一個咁離開, 公司搬遷, 我既工作除左以上果D, 仲要做埋苦力, 跟車, 清潔etc..., 我就有想離開既意向.但因為自己無經驗, 所以一直都想做夠一年先...或者邊做邊搵.直到今年6月尾, 我終於辭左職.. 原因無他既, 雖然未搵到, 但已經頂唔順呢度既工作模式, 加上出面市道太好, immediately avaliable有好大好處既時候, 我就下左呢個決定. 辭左職後理論上應該好多野都唔駛理, 但我理既野反而多左. 最後, 公司仲多次要求我到廠(汕頭)工作約一星期進行交接. 佢地呢個行動更加令我確信, 我既離開係正確而且係太遲...應該年頭就已經唔做. 最後, 我拒絕左佢地既要求. 但佢地既回覆居然係:"你小心d唔知公司會對你d乜野!!!". 25/7/2008係我既last day, 我希望自呢日之後, 我會有更好既發展...  橋牌方面:
今年橋牌上面都算有唔錯既發展.經過1年既選拔, 我可以代表香港出戰10月份係北京既世青杯. 呢場係世界上最大型同水平最高既youth賽事之一, 雖然我唔覺得我可以有好高既名次, 但能夠代表香港, 呢份已經係好大既榮譽. 至於黎緊既intercity, 我都盡可能參加, 戰友都係果班, 期待有好成績. 今年rose bowl有好大感慨. 今年係我細佬打既最後一年rosebowl (佢中七, rose bowl係中學生比賽). 作為佢地隊既non-playing captain, 我當然係我一萬個擔心. 佢地今年少左兩個以前一齊打既隊友, 換上既兩個人雖然唔太差, 但一個無乜大賽經驗, 另一個只係跟我細佬打左一年. 真係唔擔心就假. 首先係小組差d出唔到線, 最後要靠"最佳第三名"出線, 真係唔知叫好采定係差. 到左playoff, 佢地第一場對QC, 親眼睇住佢地輸. 個心唔知點咁樣. 落左loser pool, 佢地先發力, 不停地抽到好簽. 先可以保住到8強, 8強面對用怪system既學校, 佢地居然大勝對手, 我真係諗都諗唔到. 直至到左5強. 面對荃官, 上半場先輸左14 imps, 已經唔太睇好, 下半場我細佬既partner連續爆左4手牌, 有手仲要3NT -7. 但神奇地另一邊接住左, 聽聞係無乜大賽經驗既N 楝突然上身. 下半場仲有1粒袋, 但因為上半場輸左, 就只可以去到呢度lu...本來都對佢地無乜好大既期望, 佢地去到5強已經比我expect既多...只希望佢地都可以keep住打. 咁就好啦. 值得一提既係我一班教左唔係好耐既BPS 妹妹仔. 佢地學左唔係好耐但都打得似樣. 可能只係欠缺比賽經驗. 而今次既rose bowl已經燃起佢地打橋牌既決心. 我相信佢地再努力一定唔會比高主教既打得差.  其他:
細佬既高考成績出左lu, 但係未如理想. 出國已經係事實. 哈哈...話哂同佢一間房都10幾年, 身邊少左個機友相信都會幾唔慣...而我亦都有少少擔心佢過到去搞唔掂啦. 總結. 今天無乜太大特別既事, 只希望黎緊既下半年會比上半年好... |
| | |
| Intercity 終於完結了.....香港既一場大型橋牌比賽... 為左intercity, 我早左少少結束左我一份工作 (雖然唔打的話都應該會係一星期內唔做) 的確, 呢份係一份好既工作, 好岩我之餘又有發揮既地方, 只可惜公司唔太好, 配合唔到..無計啦...只好搵過間好既公司啦. 講回intercity... 好enjoy今次既比賽....第一次即使輸了, 都無好大唔開心既感覺... 自問盡了能力去打好每一場, 每一隻牌..., 只係作為香港既橋手, 無法子係決賽招呼台灣專誠黎打既對手..有d唔好意思啦.. 今次既intercity, 我覺得最大既得著係: victory dinner之後既一段說話. 最大既損失係: 我同老婆仔既感情...差d就無左... 可以肯定既係..唔開心應該多過開心啦... 有d說話實在係不吐不快....或者我就係一個咁既人.... Youth 的確唔係一個好地方, 學唔到野之餘...仲要俾人diu....相比起UST, 我覺得, UST team 即使無人教, 人人自學...可能更好.....如果你話我係井底之蛙, 我答你, "我係!!".... 只想開開心心打橋牌就如古所講既一樣... 講到學野, 我唔覺得大圍人既討論同一兩手超叫, 超打既牌有乜野好討論....值得一提既係, 超叫超打, 只係運氣好....下次打唔到, 只係運氣差...哈... 算....我諗我以後都唔會係果個地方出現, 廢事眼火爆+無意思.. |
| | |
| Finally.....Interview衰左... 心情無限個down..... 點解?? 點解?? 點解???? 或者我真係入世未深.... 到左今日先知....原來....我呢個所謂既master, 一無是處... 只係識得做埋d無聊野.... 連一個小小既職位都考唔到..... 其他同學都已經係manager, officer啦... 而我呢??? 唉.... 點解..... 我真係太差啦.... 唔得...要增值自己.....再唔開始, 只會一世都係咁.... 一無是處....唔得呀...唔要呀.... |
| | |
| 大專杯終於結束. 今年, 係我最後一年既大專杯..所以打得份外落力.
由初賽至4強, 一直以為科大2隊出線已經係遙不可及既夢想.
但由於上下一心既關係, 我地既強陣出擊
team 3既將士用命, team 2既希望不熄..
令科大終於兩隊出線... 兩隊出線已經再唔係夢想, 係事實..
於是, 我地就向包辦頭二名出發....
開賽前, 非常擔心team 2既表現.
因為初賽初期既不穩定, 以及各人疲憊的神情...
真係令我好擔心....
可以做既,只有打好自己既牌, 同埋, 默默咁期望幸運會幫佢地一把. 決賽係 29/7/2007
今日全日既partner都係古..
古係一個好穩定既player, 但因為病既關係, 都令我有少少既擔心.
只可以今日同自己講, 我要play 多d, 希望partner 負擔少D...
至於teammate係Bubble 同Himmy, 我對佢地有信心, 但打牌既速度就..... opp. 係理大既同學.
同TABLE 既OPP. 就係 TT 同 打牌好勁既kinman 開賽頭兩手牌, 感覺無乜野特別.
只係俾左uptricks 人地, 有一種出師不利既感覺.
所以, 中後段, 就全力搶攻.
除左7分就出NF 2H外(FINALLY 3H X=)
仲有推opp. 打5H 然後估錯.
一大堆partscore既成功just make. 即使出到去, teammate同我講:sorry, 我地打得唔係幾好.(佢地既意思係, 佢地只有一半正分)
睇一睇, 已經心中有數...(因為我地張score只有3個負分)
最後, 上半場係50imp difference 完場 打完後, 都收到消息, team 2 以16 imp 領先CITY 既對手(對手不差, HELEN同KARL的實力不能睇少..)
一問才知道..他們也成功突圍.
部份牌如 3Sx = 等result都係領先既原因. 呢個時候, 見到老婆仔, 佢黎左支持我 (但由頭到尾, 都無講過係邊間房打, 但佢真係上左黎....)
真係好多謝佢....見到佢, 我打得份外精神... 食飯.. 飯後, 再開始呢場比賽..
拿住50imp既優勢, 只要平均成完成每一手牌, 應該可以啦.
但唔知係唔係飯氣攻心既問題, 我有d眼訓...而古, 情況更加俾我嚴重.
睇住佢, 一副呆滯既神情, 就有d令人擔心.. 一連輸左好多副牌,
包括有防錯4S 被just make.
打錯 3NT -1 等.... 果時, 我地二人都知道唔可以再輸落去.
於是即極反攻.
1手牌, 古開叫1C, 我手持 Qxx
AQJx
JT98xx
- 叫1H,
TT 叫(1NT) (nat) 古reverse 2S 我就慢慢進入長考.....當然我要選擇的話, 一定要相信PARTNER.
古極有可能有running club + AKJx spade
即使4-3 trump. 我毅然滾上4S.
因為, 我知道, 如果4-2-1-6的話就有 10 TRICKS 黑色+ HEART A
結果被kinman X
古再XX (可見佢對我充滿信心) 結果, 係古生成日以為4-2break既情況下, opp. 既G防, 令4S XX +1 後來, 加上一手不夠分的3NT (估中關鍵Q)
打了個+1 再加上一手1NTX = 算是追平了... 完了, 就去對分, 發現這一round也是得勝的...
而team 2 也再多取16個imp的成績... 結果. 科大圓夢, 包辦了頭二.... 完了後, 馬上送老婆仔返上水, 同時買了一束花俾最錫我既"女麻女麻"
之後就趕返去中環賀"女麻女麻"既生日啦.
佢見到之後, 真係好開心....哈, 我都好開心, 因為見到最錫我既人咁開心.. 真係一日值得紀錄又難忘既一日.. 黎緊既目標:
1. 食環署(如果得)
2. SP CHAN CUP
3. Inter-city youth championship.... |
| | |
| 充滿傷口但令人回味既一個星期...... 星期一, 星期三 同左一大班中學,小學既同學仔食飯, 飲野.... 我地都係唔同既時間離開母校, 一個令人懷念既地方.果一份純真既友誼, 無論我去到世界既任何一個地方,都搵唔到...大家無所顧慮咁講下自己既近況....眼見部份人已經事業有成, 就更覺得自己要發奮, 唔做落後既一個....但, 我應該向邊個地方發奮呢?? 星期二 星期二既con pair係一場我同charlie 約定既比賽, 兩個人都改唔到boil slam既壞習慣, 事實上係, 我的確打得無以前咁好....而佢都係....總唔能夠好好把握機會..但係唔怕, 仲有8場既賽事, 我地仍然好有機會.. 星期五 尋日去左打籃球, 俾人先後打左兩拳...真係好痛...之後去左接人放工, 再展轉返到TST, 因為要等老豆車我返屋企既關係, 我去左同岩岩打完imp pair既一眾科大, 橋牌友仔吹水.....同佢地吹水真係幾時都咁多歡笑....仲有...同各teammate 討論完大專杯同intercity既時候, 令我對未來充滿住憧憬....希望今年可以拎到雙料冠軍....期待大專杯, 更期待intercity既表現... 而家係公司.... 今日都好忙呀...聽日都係... 自己始終想打波多少少, 所以決定聽日唔去打牌, 打完波, 或者會上某人屋企練下牌, 不過都要睇到時既情況 |
| | |
|
